Vorið

Í gær fékk ég tuttuguþúsundasta gestinn minn inn á síðuna og þakka ég fyrir það.

Við vorum í Sanddalnum um helgina og fengum þokkalegt veður en fremur svalt, við settum niður nokkur tré, Reyni, Silfurreyni, gljámispil, kvist og berjarunna.

Settum vatnsdæluna við og vonum að ekki frysti mikið á næstu dögum.Svo voru svona hefðbundin verk sem unnin eru á hverju vori, bóndinn kíkti á girðingarnar og ég gerði vor hreingerninguna.

Það var mikið fuglalíf í dalnum við sáum álftir, gæsir,endur, rjúpur, spóa, lóu, hrossagauk og fullt af smáfuglum, en krummi og máfurinn voru nú komnir aðeins á stjá svo þá verða nú afföll af ungunum, en svona er lífskeðjan. Gróðurinn er allur að springa út og virðist koma vel undan vetri.

Það er töluverður snjór í fjöllum hjá okkur svo vonandi verður nóg vatn í sumar.

Tengill á færslu

Bæta við áliti

Sýna álit

16.05.2011 10:16

Suðurströndin

Á laugardaginn fórum við í bíltúr um í gegnum Krísuvík og nýja suðurstrandaveginn og þegar við komum að sjónum fór að létta til og fengum við hið fallegasta veður og 10 stiga hita. Fengum okkur nesti í Herdísarvíkinni og var fuglalífið mikið þar, fórum svo um byggðina þar sem Gata heitir og að Strandakirkju og er hún mjög falleg og vel við haldin enda sennilega ríkasta kirkja landsins, hú var opin og mjög falleg að innan.
Hleðslurnar kring um hana eru alveg magnaðar. Í litla bæjarkjarnanum sem er þarna eru bæjir sem heita Þorkelsstaðir I og II, þar er uppi skilti sem stendur á ¨Free Camping¨og virðist það vera svona lítið samfélag með vísir að gróðurhúsi og svolítið draslaralegt. Svo var farið í Hveragerði og versluð blóm hjá Ingibjörgu og eru þau bæði fallegri og mun ódýrari en hér í bænum, á Lobeliunni munar 1000 kr á st svo það borgar sig að keyra þangað þó olían sé dýr. Á sunnudag kíktum við í kaffi til Soffíu og Friðjóns, þar fengum við kaffi og nýbakaðar vöfflur.
Bara góð helgi.
emoticon