Þá er lélegustu rjúpnavertíð til 35 ára  lokið og ekki var hægt að fara 2 síðustu dagana vegna veðurs, reyndar voru þeir fleiri dagarnir sem við komumst ekki en hinir. Aflinn þegar upp er staðið eru 26 fuglar og duga þeir okkur bara rétt í matinn yfir hátíðarnar, en sumir eru ver settir en við, sem fengu engan fugl. En til að ná þessum fuglum þurftum við að ganga frá birtingu til kvölds og komum stundum niður í bíl í svarta myrkri.
En nú tekur jólaundirbúningurinn við og er ég aðeins byrjuð að kaupa jólagjafir, svo  keypti ég kengúrufille til að prufu matreiðslu, en ég fékk mér að  kengúru þegar við vorum í Köben í vor en við ætlum þangað aftur um áramótin, sko bara gaman!!!!  Svo er spurning hvað á að baka mikið?
M

Jæja við drifum okkur upp í dal á fimmtudagskvöldið og var andskoti kalt í kotinu eða 7¨°
frost, drifum í að kveikja upp í arninum og gasið sett á fullt. Það tók 3 klst að komast upp í 12° . Gerðum okkur klár fyrir föstudaginn spáin vond og við ekki búin að ákveða hvað við myndum gera. Það var sæmilegasta veður þegar við fórum á stjá en það fór ekki að birta fyrr en upp úr kl.9. Fórum inn Sanddal og svo upp með Smiðjugili vorum svo á röltinu í Geststaðabungu og nágreni fram eftir degi sáum aðeins för austan í bungunni sáum 2 fugla og náðum þeim Sigurgeir náði sínum í gilskorningnum upp af mýrinni en ég mínum efst í Smiðjugili. Sáum ekki meira þann daginn, svo var heimferðin eftir þá fór ég nú að dragast verulega afturúr svo Sigurgeir kom til baka að athuga málið og var þá mín orka nánast búin var ekki nógu dugleg að fylgjast með sykrinum en fékk mér dísætan orkudrykk og náði niður í bíl á honum.
Á laugardag fórum við upp á heiði og norður fyrir Konungsvörðu tókum fyrst Dældarlækinn, þá vildi nú ekki betur til en svo að þegar við fórum yfir girðingun stigum við nánast á tvær og flugu þær með hraði upp í kirkju. Röltum við um á þessu svæði fram að hádegi sáum bara för, en þau eru létt í poka.Komum svo upp í bíl og vorum að spá í framhaldið, en það sem kom til greina var Lambagilið eða Kirkjan, fórum í kirkjuna sáum engan fugl þar.Fórum niður í Lambagil og vorum þar kl. hálf fjögur, kiktum upp náðum sex og sáum fleiri en þá var komið myrkur svo við fórum heim í hús. Það var bruna gaddur uppi og fraus brauðið okkar og allir drykkir en frostið fór í 9°niður í bíl svo það hefur verið 12-14° uppi.
Á sunnudag fórum við snögga ferð í Lambagilið fórum upp um kl.10 og komum niður um kl 2. náðum 5, svo datt ég á hausinn eins og venjulega  og rak andlitið í hrísþúfu  en allt í lagi með það svo hitti ég Sigurgeir og hann spurði bara hvað væri í gangi en þá var ég alblóðug í framan en þetta var nú ekki stór skurður. Svo bölvuðum  við okkur fyrir að eyða tímanum í kirkjuna í gær því það hafði verið töluvert af fugli þarna um allt í svona 300 metrunum. Það var sami gaddurinn í dag.
Ætli við séum þá ekki hætt í bili komin með okkar skammt.
M
    

Það er nú lítið að frétta á vesturvígstöðum núna, hálfgert skíta veður og ekki hægt að fara á rjúpu en ég ætla næstu helgi hvernig sem spáin verður. Veit um 3 sem eru norður á Skaga það verður gaman að heyra frá þeim. Fór í Smáralind í dag að kaupa mér borstofustóla, þetta eru nú meiri framkvæmdirnar sem þar eru ,svo eru bara opnaðar nýjar búðir og gatnakerfið er alveg sprungið, það verður gæfulegt eða hitt þó heldur að hugsa um jólatraffíkina, ég held ég fari bara eitthvað annað til að versla.
M

Þá er þessi dagur að kvöldi kominn, við kvöddum Klöru okkar í dag og var hún ákaflega friðsæl og falleg í kistunni sinni, svo var jarðaförin klukktíma síðar og á eftir var erfidrykkja í Skútunni. Þetta var falleg athöfn og látlaus eins og hún vildi hafa það.

Jæja þá liggja fyrir niðurstöður  úr pungaprófini í Fjöltækniskólanum og er ég með 9.5 í meðaleinkunn. 10 - 10 - 8,5
M

Við fórum ekki á fjall í morgun ,en það var 8° frost og fallegt veður, vonandi eiga eftir að koma góðir dagar síðar í mánuðnum, en Klara mágkona fékk heilablóðfall í gær og skildi við um miðnættið í gærkveldi, svo við tókum okkur saman og drifum okkur heim.
M

Hér er skítaveður, fórum yfir Bröttubrekku og í Búðardal til að versla komum við í Hjarðarholti og vorum að kíkja á grafhýsi Þorbergstaðarættarinna og er það mjög huggulegt, en þar sáum við líka 4 rjúpur og húktu þær undir kirkjugarðsvegg. Fórum svo Laxárdalsheiði til baka ekkert að sjá þar nema endalausar mýrar, vonandi fer nú veðrið að lagast.
M

Á öðrum degi á rjúpu fórum við í Lambagilið fengu 2 þar, svo var arkað í átt að Grænuborgum og tíndar upp nokkrar á á þeirri leið, vorum með alls 12 þann daginn, það var þoka og úði en ágætis veður. Kíktum upp að Búrfellsá og þar um slóðir voru engir bílar.
Þriðji dagur: Fórum í Bláhæðina, hamrana og niður að Djúpavatni sáum nokkra fugla mjög stygga, náðum 3 þá var ekki stætt vegna SSA roks.
Hittum menn sem fóru í Grákollugilin  og voru þeir með 1 rjúpu., svo var annar sem fór úr Heiðarsporði og upp með Norðurá upp að vatni og þaðan upp hlíðarnar upp að mastri hann sá og fékk eina, hann hitti hundamann við mastrið og hafði hann engan fugl séð.Almennt hafa menn lítið séð.

Erum núna á planinu þar sem sæluhúsið stóð og höfum ekki farið úr bíl hér er hífandi rok og gengur á með éljum, það eru tveir bílar við Miklagilið og sjáum við tvo menn í móanum fyrir neðan Tröllakirkjuna.Þá er bara að bíða eftir fimmtudegi og vona að veðrið skáni.
M

Í morgun var fallegt veður austan andvari og 8° frost fór að vísu yfir 10° fórum Fornahvammssneiðinginn og skildum bílinn eftir við Lambatjörn gengum Gesstaðabunguna, Ormstaðamúlann ,Hádegisfjallið,og svo aftur yfir allt og í Smiðjumúlann líka sáum engan fugl og engin ummerki eftir fugl , göngufærið djöfullegt svo þetta var allt á sömu bókina lært, Sigurgeir tók svo Lambagilið niður að Hvassá ekkert!!!!! Það voru um 30 bílar á heiðinni og voru menn með ekkert og sáu ekkert, 4 voru í Sandinum voru farnir niður fyrir hádegi. Nú er komið skíta veður við sjáum til hvað við gerum á morgun
M