Við vorum í Sanddalnum um páskana í blíðskaparveðri, logni, sól og 10°hiti.

Vorboðarnir komu hver af öðrum inn dalinn, álftir, gæsir, endur, fálkar og krummar sem eru nú fastir gestir, en það er langt síðan við höfum séð fálka og hvað þá tvo. Það var ekki fjölmennt í húsunum í dalnum , var verið í 3 bústöðum.
Fórum upp á heiði og kíktum á útburðinn hjá refahúsinu og var ekki mikið gengið í hann, veit ekki hvort Valdi sé enn í þessu. Fórum svo upp í mastur og var enginn snjór á þeirri leið.
Á Hraunsnefi var verið að rífa íbúðarhúsið, en þar brann nú fyrir margt löngu og var þá byggt lítið hús sem svo var búið að byggja við, svo sennilega hefur ekki verið þörf á að rífa það.
Það verður nú trúlega lítið vatn í ánum í sumar eftir svona snjóléttan vetur, en það er enginn snjór í fjöllum.
Sigurgeir for í skógarhögg og tók niður 20 ára rússalerki sem var farið að skyggja á útsýnið niður að á, en svona er þetta maður potar niður plöntum í fjölda ára svo þarf að grisja.
Góð helgi.
M

Kíktum í afmæli til Heiðars það var ansi gott, súpa, kaffi og kökur.
Fórum svo á sunnudeginum í bíltúr upp í Kaldársel, Sléttuhlíðina og að Hvaleyrarvatni en við vatnið  ef vatn skyldi kalla var svo mikil drulla að það var vonlaust að ætla að gang kringum það bæði, akvegur og göngustígar voru ógeðslegir.
Lentum svo í pönnukökukaffi hjá Hrönn.
M

Jæja, það er bara kominn janúar og maður hefur ekkert bloggað lengi.

Þá er maður búin að fara til rjúpna í fyrsta sinn á þessu ári.
Fyrsti dagur var fallegur og kaldur, ákváðum að fara um mínar heimaslóðir og ókum áleiðis,
svo var rölt um heiðarlöndin í nokkra klukkutíma. Sáum ekki mjög mikið af fugli, vorum að tína upp eina og eina og tvær og fimm  og svona, enduðum í 10 fuglum. Sáum svo einn hóp svona 30 fugla á hraðflugi seinnipartinn og hvarf hann okkur sjónum.  Á öðrum degi nenntum við ekki að fara vegna rigningar og þoku.Þriðja daginn kíktum við á heiðina og sáum engan fugl. Það voru nokkuð margir sem fóru frá mastrinu og gengu bæði suður heiði og norður en fáir skothvellir. Þeir menn sem við hittum sögðust ekki hafa séð mikið af fugli og voru menn að tala um 1 til 8 fugla. Undanfarin ár sýnist okkur hafa verið gengið mjög nærri rjúpnastofninum á Vesturlandi  og hefur Holtavörðuheiðin verið mjög auglýst bæði í fjölmiðlum og blöðum og ef fer sem horfir verður hann  sjálfsagt  útdauður þar, þá líklega opnar FRÚ umhverfisráðherra aðgengi að Landnámi Ingólfs og lætur  skipulega drepa stofninn þar eins og hún er búin að gera á Vestulandi.
Frá því að þessi stýring á veiðum tók gildi tel ég að sportveiði sem slík hafi verið lögð af, það sem ég sakna er ekki magnveiðin heldur sportið að geta  farið þegar mér hentar  og þangað sem mér hentar en ekki láta smala öllum veiðimönnum á Holtavörðuheiði Bröttubrekku og almennt Vesturlandið. Hitti þrjá unga menn á Sunnudag og fórum við að spjalla og kom þá í ljós að þetta voru Húsvíkingar með tvo veiðihunda og sögðu þeir að það væri lítill fugl á heimaslóðum en höfðu  heyrt að það væri  mikill fugl á Holtavörðuheiði!!!!!
Á þeim 35 árum sem ég hef gengið til rjúpna hef ég aldrei séð jafn lítið af fugli og í ár .
Það er sjálfsagt að hafa sölubann og biðja veiðimenn að veiða hóflega en á lengri tíma t.d tvo mánuði.
Það er alveg galið að senda 2-3000 manns upp til heiða jafnvel í vondum veðrum til ná sér í jólamatinn og tel ég það ekki vera umhverfisráðherra að þakka að enn hefur ekki orðið slys, en ef svo færi mætti hún hugsa sig um.

Á sunnudeginum á Akureyri fórum við með barnabörnin í Kjarnaskóg og var það mjög gaman, svo fórum við með Einari Halli inn í sveit, en hann hafði keypt sér lambaskrokk og þurfti að fá svolítið meira sagað og fórum við að bæjum sem heita Punktu, Komma og svo man ég ekki nafnið á þriðja bænum en það var ekki komma.

Þá erum við stödd á Akureyri í blíðskaparveðri og þægilegheitum hjá okkar fólki, fórum á smá búðarrölt við mæðgurnar með Davíð Má og Hellga Þór, hinir strákarnir fóru að kíkja á Vaðlaheiðar framkvæmdir og skoða bæinn.  Frábær kvöldmatur í kvöld og svo horft á Marlin á ruv.is

Við hjónin ásamt Kalla og Hafrúnu fórum til Pétursborgar miðvikudaginn 26.sept, það var flogið til Helsinki og þaðan farið með rútu til Rússlands og var það fimm tíma ferð.

Jæja, það er búið að vera nóg að gera hjá mér undanfarið, við fórum á gæs um síðustu helgi og lentum í skítaveðri snjókomu og hiti við frostmark, en við fengum 5 fugla.

Það er búið að vera mikið að gera í þessum mánuði, við seldum húsið okkar í Logafoldinni og keyptum okkur íbúð í Ásakórnum á efstu hæð.

Áttum  góða helgi í Sanddal,
 fallegt veður og mikið sullað í ánni af unga og eldra fólki líka .
Vorum að bera á húsið og pallinn svo var slegið og tínd ber sem eru ótrúlega vel þroskuð.
Annars allt í miklum rólegheitum.
Gætu orðið erilsamar vikur framundan.

M

Hæ

Jæja, nú er orðið langt síðan ég skrifaði síðast á síðuna. Hjá okkur hefur veturinn liðið nokkuð tíðindalaus og allir við sæmilega heilsu.
Höfum farið nokkrum sinnum í dalinn og svo fórum við að Apavatni um páskana, skruppum líka á Akureyri í febrúar. Vorum í dalnum um síðustu helgi í góðu veðri, björtu en köldu nema í skjóli þar var hlítt og gott.
Gerðum hefðbundin vorverk, girtum með ánni, fluttum tré og allt var viðrað svo nú má sumarið bara koma.Sáum töluvert af rjúpum svo var hrossagaukurinn kominn og maríuerlan gerði sig heimakona og lleitaði sér að hreiðurstæði, þrösturinn söng hástöfum og krummi kallinn kom og kíkti á matarpallinn.
Við æfðum okkur í skotfimi (skeet) og höfðum bara gaman.

M

Við áttum góða helgi í Sanddal, hylltum Þorra og goðin hans Kalla.