26.01.2013 21:51

Hreindýr

Ósköp finnst mér UST standa ófagmannlega að upplýsingum um úthlutun hreindýraveiðileyfa í ár,

ekkert verð, ekkert talað um veiðiprófið og fyrir hverja eru svo þessar veiðar í nóvember, ætli ferðaþjónustan fái ekki úthlutað flest leyfin á þeim tíma, þá geta ferðabændur selt bæði á gæs og hreindýr á þessi svæði.

Maður þarf að skoða vel póstnúmerin þegar úrdrátturinn fer fram.

Ekki sækji ég um fyrr en verð liggur fyrir.

Svo fannst okkur síðast þegar við fórum á hreindýr vera breytt framkoma hjá leiðsögumönnum og fannst okkur þeir sækjast eftir því að ná ekki dýri á fyrsta degi, það var bara keyrt upp í þokuna og dagurinn látinn líða þar þó bjart væri neðar.Fæ mér nýjan leiðsögumann næst.

Mig minnir að ráðamenn landsins og þeirra fræðingar hefðu á sínum tíma talað um að virkjunarframkvæmdir á kárahnjúkasvæðinu mundu ekki hafa nein áhrif á hegðun hreindýra en mér sýnist nú að svæði 2 sé nánast að detta út sem veiðisvæði.

Nú árið 2013 má veiða 56 kýr og 66 tarfa á svæði 2 en var 2012 á svæði 1 og 2 291 belja og 169 tarfar - svo eru núna 241 belja og 184 tarfar á svæði 7 sem var í fyrra 120 beljur og 67 tarfar, þannig að á svæði 7 eru flest dýrin og virðast þau vera að færa sig austar á svæðunum.

Þannig að það eru mikil áhrif sem virkjanirnar hafa haft á dýrin.

Svo er maður bara í félagsmálunum þessa dagana, verð með upplestur á þorrablóti 9.febrúar hjá lífeyrisdeild SFR.

Langar að fara að komast í bústaðinn, það er bara alltaf svo leiðilegt veður, rok og rigning, vantar frost og snjó.

svo er maður vel tengdur

Tengill á færslu

Bæta við áliti

Sýna álit

26.01.2013 21:51

Hreindýr

Tenglar