Hæ
Það er orðið ansi langt síðan ég hef skrifað nokkuð, það er ekki af því að það sé ekkert um að vera.Það er bara búið að vera mikið að gera.
Ég er búin að vera með barnabörn allan mánuðinn og á eftir að setja inn helling af myndum.
En í gær var farin sumarferð eldri borgara hjá SFR og byrjaði ferðin á Grettisgötu 89 og lá leiðin austur fyrirfjall og haldið inn Fljótshlíðina stoppað að Breiðabólstað og kom presturinn Önundur Björnsson og hélt smá tölu um fyrrum presta og fleiri góða menn sem var gaman og fróðlegt. svo var haldið inn í Þórsmörk, vegurinn var slæmur, lítið vatn í ánum en þokkalegt veður, skýjað og gott ferðaveður.
Þar borðaði fólk nestið sitt og skoðaði sig um, alltaf jafn fallegt í Mörkinni. Svo var aðeins kíkt inn í Stakkholtsgjá og þaðan var haldið á Hvolsvöll og bauð SFR okkur upp á flottan mat og rauðvín,
Það varð eitt slys í ferðinni kona var að fara upp í rútu og skrikaði fótur , bar hún hendina fyrir sig og brotnaði únliður hennar við það, SFR var með hjúkrunarfræðing með í ferðinni og kom það sér vel og kom hún konunni til læknis fyrst á Hvolsvelli en var send þaðan á Selfoss.
Frábær ferð með frábæru fólki.
Borgin tók á móti okkur með sólstöðum.
Takk
M
